Ռուսաստանը կտրականապես դեմ է Կիևին զենք մատակարարող երկրներից Ուկրաինա խաղաղապահ ուժերի տեղակայմանը։ Այս մասին հայտնում է ՌԴ ԱԳՆ միջազգային կազմակերպությունների դեպարտամենտի տնօրեն Կիրիլ Լոգվինովը` ТАСС-ին տված հարցազրույցում։
Նրա խոսքով, եվրոպացիները «բացարձակ խուլ են» նախազգուշացումների նկատմամբ, որ նման իրավիճակը կտրականապես անընդունելի է Ռուսաստանի համար։ Լոգվինովը նշել է, որ վերջին տարիների պատմությունը եվրոպական երկրներին ոչինչ չի սովորեցրել։
The Washington Post-ը նախօրեին գրել էր, որ եվրոպացի առաջնորդներն այժմ ավելի շատ դիտարկում են Ուկրաինա ռազմաօդային և ռազմածովային ուժեր տեղակայելու հնարավորությունը՝ պայմանավորված մեծ թվով զորքեր տեղակայելու սահմանափակումներով:
