Հրապարակվել է Բուքերյան մրցանակի կարճ ցուցակը

Հայտնի է դարձել Բուքերյան մրցանակի կարճ ցուցակը: Այն ներառում է վեց հեղինակ՝ Անուկ Արուդպրագասամ («Անցում դեպի հյուսիս»), Դեյմոն Գուլգուտ («Խոստումը»), Պատրիսիա Լոքվուդ («Ոչ ոք դրա մասին չի խոսում»), Նադիֆա Մոհամեդ («Բախտավոր մարդիկ»), Ռիչարդ Փաուերս ( «Շփոթություն») և Մեգի Շեյփսթեդ («Մեծ շրջան»):

Գրական ստեղծագործություններն ընտրվել են Մեծ Բրիտանիայում և Իռլանդիայում հրատարակված 158 գրքերից՝ 2020 թվականի հոկտեմբերի 1-ից մինչև 2021 թվականի սեպտեմբերի 30-ը:

Սպասվում է, որ հաղթողի անունը կհրապարակվի նոյեմբերի 3-ին. վերջինս կստանա 50,000 ֆունտ ստերլինգ:

Լուսանե Ջալալյան