«Ռեստարտ» ուսանողական-քաղաքացիական նախաձեռնության մասին

«Ռեստարտ» ուսանողական-քաղաքացիական նախաձեռնություն

Մինչ «Ռեստարտ» գիտակրթական-բարեգործական հիմնադրամին անցնելը ցանկանում ենք մի
քանի նախադասությամբ ներկայացնել «Ռեստարտ» նախաձեռնությունը, քանի որ հիմնադրամը
հիմնվել է հենց «Ռեստարտ» նախաձեռնության կողմից։
«Ռեստարտ» նախաձեռնությունը իր գործունեությունը
մեկնարկել է 2018 թվականի հունվարից։ Նախաձեռնության նպատակներն էին բուհական
համակարգում բարեփոխումներ իրականացնելը և ՀՀ-ում կրթության և գիտության որակի
բարձրացմանն ուղղված քայլեր կատարելը։ «Ռեստարտ» նախաձեռնությունը սկզբնական
շրջանում, մինչև «Թավշյա» հեղափոխությունը, գործում էր միայն ԵՊՀ-ում։ Սկզբնական
շրջանում «Ռեստարտի» կողմից բարձրաձայնվում էին ԵՊՀ-ում առկա տարբեր խնդիրներ՝
սանիտարահիգիենիկ խնդիրներից մինչև բուհական ինքնավարության և կրթության որակի հետ
կապված խնդիրներ։ Այնուհետև հեղափոխությունից հետո «Ռեստարտի» գործունեությունը
շեշտակի ընդլայնվեց․սկսեցին հիմնվել ռեստարտական խմբեր Հայաստանի մոտ 15 բուհերում։
Այս ակտիվացումը և ընդլայնումը կապված էր հեղափոխական շրջանում «Ռեստարտի»
անդամների ակտիվության հետ, որն էլ «Ռեստարտ» նախաձեռնությանը դարձրեց բավականին
հայտնի և հեղինակավոր կազմակերպություն։ Բայց «Ռեստարտը», հավատարիմ մնալով իր
սկզբունքներին, չդարձավ քաղաքական հայտ ներկայացնող որևէ խումբ և այդպես էլ մնաց
որպես ուսանողական նախաձեռնություն։
1 տարվա ընթացքում նախաձեռնության անդամներին հաջողվեց հիմնել ուսանողական
լրատվական, կազմակերպել դիտորդական առաքելություններ պառլամենտական և ՏԻՄ ընտրություններում, ստեղծել հետազոտական դեպարտամենտ և, այս
ամենին զուգահեռ, հիմնել ուսանողական հիմնադրամ։ Այսինքն՝ «Ռեստարտ» գիտակրթականբարեգործական հիմնադրամը հանդիսանում է «Ռեստարտ» նախաձեռնության գործունեության
ճյուղերից մեկը և նպատակ ունի աջակցել սոցիալական ծանր պայմաններում գտնվող
ուսանողներին։

«Ռեստարտ» ուսանողական-քաղաքացիական նախաձեռնության մասին մանրամասները կարդացեք հղումներում՝ .facebook.com

facebook.com/restarttimes.am