Տաղ և Գորիս համայնքներում չարաշահման մասով հաղորդումներ ենք պատրաստում․Դ․ Իոաննիսյան

Սյունիքում կայացած ՏԻՄ ընտրությունների վերաբերյալ մանրամասներ է հայտնում Դանիել Իոաննիսյանը․

1. Տեղ գյուղում, ուր առավոտվանից ՔՊ-ն ընտրողների է բերում-տանում (այդ թվում` առանց համարանիշերի մեքենաներով), ժամը 14։30-ի դրությամբ 639 ընտրողներից 64-ը քվեարկել են օգնողի միջոցով։ Որպես կանոն, այդ օգնողները իրենք են որոշում, որ պիտի օգնեն ու քվեախցիկում ընտրողին չեն էլ հարցնում, թե ում է ուզում քվեարկի` պարզապես ընտրողի ներկայությամբ քվեարկում-գնում են։

2. Նույն գյուղում ՔՊ-ից ավագանու անդամի թեկնածու (ով Սյունիքի մարզպետի ազգականն է) սպառնացել է «Ապրելու Երկիր» կուսակցությունից ավագանու մեկ այլ թեկնածուի։

3. Գորիսում մենք հավաստի տեղեկություններ ենք ստացել «Առուշ Առուշանյան» դաշինքի կողմից ընտրակաշառք բաժանելու դեպքի մասին։ Իրավապահները տեղեկացված են։

4. Տաղ և Գորիս համայնքների ղեկավարների պաշտոնակատարների կողմից վարչական ռեսուրսի չարաշահման մասով հանցագործության մասին հաղորդումներ ենք պատրաստում, շուտով կներկայացնենք դատախազություն։Այս և այլ դեպքերի մանրամասները կներկայացնեմ ժամը 17։00-ի Գորիսի «Գորիս» հյուրոնացում կայանալիք ասուլիսին։