Թուրքիան չի հավատում Եվրամիության սեփական բանակ ունենալուն

Թուրքիայի նախագահ Ռեջեփ Թայիփ Էրդողանը Հռոմում, G20 գագաթնաժողովի շրջանակներում իր ամերիկացի գործընկեր Ջո Բայդենի հետ բանակցություններից հետո, հայտարարել է, որ չի հավատում ԵՄ-ի սեփական բանակ ունենալու հնարավորությանը։

«Սա հնարավոր նախագիծ չէ։ Դա անհնար է»,- պատասխանել է Էրդողանը Հռոմում լրագրողների ԵՄ-ի սեփական բանակի ստեղծման վերաբերյալ քննարկումների մասին հարցին։ 
Էրդողանը Բայդենին իր «ցավն» է հայտնել Սիրիայի քրդերի ինքնապաշտպանական ուժերին ԱՄՆ-ից զենք մատակարարելու կապակցությամբ և հույս հայտնել, որ այս գործընթացը հետագայում չի շարունակվի։

Սեպտեմբերի սկզբին ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը հայտարարել էր, որ Աֆղանստանից արևմտյան քաղաքացիների քաոսային տարհանումը ցույց է տալիս Եվրամիության (ԵՄ) ընդհանուր պաշտպանության ապահովման կարևորությունը: