«Արմեդ» համակարգն ամբողջապես չի կարողացել ամրագրել մահերի բոլոր դեպքերը․ Անահիտ Ավանեսյանը՝ կորոնայից մահերի թվի մասին

«ԱՎԾ-ն ամփոփում է հանրապետության բոլոր տեղեկատվական հոսքերը և ամփոփված տվյալներ է ներկայացնում «Արմեդ» համակարգը ներդրվել է հընթացս, և մենք շատ արագ կերպով արդեն պատրաստվելով քովիդին՝ անընդհատ բարելավել ենք «Արմեդ» համակարգում ներբեռնվող տեղեկատվության թե՛ որակը, թե՛ ամբողջականությունը»,-այդ մասին այսօր կառավարության նիստից հետո լրագրողների հետ զրույցում ասաց Առողջապահության նախարար Անահիտ Ավանեսյանը։

Նա հավաստիացրեց, որ հարցը կուսումնասիրվի և կպարզեն, թե ինչ ընթացակարգային բացերի հետևանքով են որոշ տվյալներ տեղեկատվական բազայում արտացոլվել, սակայն «Արմեդ» համակարգում չեն գրանցվել։ 

««Արմեդ» համակարգն ամբողջապես չի կարողացել ամրագրել մահերի բոլոր դեպքերը»,-ասաց Անահիտ Ավանեսյանը։

Խոսելով նաև վեց ամիս հետո Քովիդի դեմ վերապատվաստվելու մասին, նախարարն ասաց, որ քաղաքացիները պատվաստվելուց վեց ամիս հետո կարող են վերապատվաստվել։