Նորաձևության աշխարհը դեպի հավերժություն է ճանապարհում գեղեցկության ինդուստրիայի լեգենդին

72 տարեկան հասակում կյանքից հեռացել է աշխարհահռչակ ոճաբան, բազմաթիվ առաջնությունների ու մրցույթների գավաթակիր, աշխարհի 12-անգամյա չեմպիոն Վաժա Մխիթարյանը։

Միջազգային СМС վարսահարդարների, մատնահարդարների և դիմահարդարների կոնֆեդերացիայի փոխնախագահ, Ռուսաստանի СМС կոնֆեդերացիայի նախագահ Վաժա Հայրապետյանն անվիճելի լեգենդ է նորաձևության աշխարհում։ Նրա շնորհիվ աշխարhը ճանաչեց նորաձևության ու ոճային ընկալման հայի տարբերվող ձեռագիրը։

Վարսահարդարման արվեստի հանճարն ու ուսուցիչների ուսուցիչը բացառիկ էր ոչ միայն մասնագիտական հմտություններում, այլ նաև մարդկային և ոգեղեն տեսակով։ Իր վարակիչ էներգիայով և կարողություններն անմնացորդ նվիրելու շնորհիվ փոխել է բազմաթիվ ճակատագրեր՝ իր սաներին դարձնելով լավագույններն աշխարհում։

«Լուսատու մթության մեջ»․ այսպես են բնութագրում նրան ժամանակակիցները՝ պատմելով աշխարհը գեղեցկացնող հայի մասին, ով հիացնում ու ոգեշնչում էր բոլորին։ Յուրաքանչյուրին, ով բախտավորություն էր ունենում դառնալու նրա սանը, գործընկերը, կամ պարզապես ընկերը՝ ստիպում էր սիրահարվել կյանքին ու գեղեցկությանը, և հավատալ, որ անհնար և անհասանելի ոչինչ չկա աշխարհում։ Նրա կողմից սպասարկված հանրահայտ դեմքերն այնքան շատ են, որ հնարավոր չէ թվարկել։ Նրան աշակերտել են բազմաթիվ վարպետներ աշխարհի տարբեր երկրներից՝ դառնալով ոլոտի առաջատար մասնագետներ։ Նրանց թվում է նաև Հայաստանի Հանրապետության մատնահարդարման ազգային հավաքականի մարզիչ, 25 տարի շարունակ ոլորտում ուրույն ձեռագիր ունեցող, Մետրո Գեղեցկության Միջազգային Ակադեմիայի հիմնադիր-տնօրեն Ռաիսա Ռուբենին։

Ննջիր խաղաղությամբ, հավերժացած լեգենդ։