Գորդոն Ռեմզին աշխարհի երեք ամենահարուստ խոհարարներից մեկն է։ Ներկայումս նա ունի 35 ռեստորան ամբողջ աշխարհում և նրա կարողությունը տարբեր աղբյուրների համաձայն կազմում է 63-ից մինչև 118 միլիոն դոլար։
Գորդոնը խոհարար է դարձել 27 տարեկանում։ Իր խոհարարական կարիերայի սկզբում` 1993 թվականին Լոնդոնում նորաբաց Aubergine ռեստորանի գլխավոր խոհարարն էր։ Ընդամենը երեք տարվա ընթացքում Ռեմզին վաստակեց երկու Michelin աստղ և ստացավ ռեստորանի 25% բաժնետոմս։
Արդեն 1995 թվականին 29-ամյա Գորդոնը «Տարվա նորեկ» է ճանաչվել հեղինակավոր «Քեյթի» մրցանակաբաշխության ժամանակ։
2013 թվականին ամերիկյան TV Guide ամսագիրը Ռեմզիին ներառել է բոլոր ժամանակների 60 ամենազզվելի չարագործների ցուցակում։
Ռեմզիի ֆիրմային ուտեստներից է Beef Wellington-ը անգլիական ավանդական ճաշատեսակ պատրաստված տավարի փափկամիսից շերտավոր խմորից՝ լցոնված սնկով և խոզապուխտով։ Ամբողջ «ռուլետը» թխվում է մինչև խմորի ոկեգույն դառնալը, մինչդեռ միսը միջին եփվածության չի հասնում։
