Հովհաննես Շարամբեյանի անվան ժողովրդական արվեստների թանգարանում նոյեմբերի 30-ին տեղի է ունեցել «Հողի գաղտնիքը. Շահումյանի նորահայտ դամբարանը (մ.թ.ա. 2800-2600 թթ.)» խորագրով ցուցահանդեսի բացումը:
Բացման հանդիսավոր արարողությանը ներկա էին ԿԳՄՍ նախարար Վահրամ Դումանյանը, նախարարի տեղակալ Արա Խզմալյանը, ՀՀ ԳԱԱ նախագահ Աշոտ Սաղյանը, Հնագիտության և ագգագրության ինստիտուտի տնօրեն Պավել Ավետիսյանը, արվեստի և մշակույթի ոլորտի ներկայացուցիչներ, դպրոցականներ։
Նախարար Վահրամ Դումանյանն անգնահատելի է համարել արված աշխատանքն ու գտածոների պատմամշակութային արժեքը՝ միաժամանակ հետաքրքրվելով ցուցանմուշների հանրայնացման և միջազգային հարթակներում ներկայացման հնարավորություններով, պեղված իրերի վերականգնման գործընթացով։
Բացելով ցուցահանդեսը և շնորհակալություն հայտնելով դրա կազմակերպիչներին՝ Կրթության, գիտության, մշակույթի և սպորտի նախարարությանը, Հովհաննես Շարամբեյանի անվան ժողովրդական արվեստի թանգարանին, Պատմության թանգարանին և մյուսներին, Հնագիտության և ագգագրության ինստիտուտի տնօրեն Պավել Ավետիսյանը հայոց պատմության նորովի ուսումնասիրման տեսանկյունից կարևորել է դամբարանադաշտի լիարժեք պեղման գործընթացը և միջազգային հանրահռչակման գործընթացը: Նա իր երախտագիտությունն է հայտնել Շահումյանի նորահայտ դամբարանի տարածքի սեփականատիրոջը՝ Մուշեղ Հարությունյանին, և պեղման աշխատանքներում ու իրերի վերականգնման գործընթացում ներգրավված անձնակազմին:
ԿԳՄՍ նախարարի տեղակալ Արա Խզմալյանը ևս շնորհավորել է հնագիտական հանրությանը և որպես Կառավարության առանցքային մոտեցում ընդգծել մեր երկրի ընդերքի գանձերը հանրային սեփականություն դարձնելու և միջազգայնացնելու կարևորությունը։
ԿԳՄՍ նախարարի տեղակալը քաղաքացիական բարձր պատասխանատվության համար նույնպես շնորհակալություն է հայտնել Շահումյանի նորահայտ դամբարանի տարածքի սեփականատիրոջը՝ Մուշեղ Հարությունյանին, և կոչ արել հանրությանը՝ հետևել նրա օրինակին։
Մուշեղ Հարությունյանի խոսքով էլ՝ ինքն իր քաղաքացիական պարտքն է կատարել՝ ազգային հարստությունը հանձնելով պետությանը։
Բացման պաշտոնական արարողությունից հետո ներկաները շրջել են ցուցասրահներով, դիտել վաղ բրոնզե դարի «կուր-արաքսյան» մշակույթը ներկայացնող նմուշներ Հայաստանի պատմության թանգարանից և Արմավիրի մարզի Շահումյան համայնքում նոր հայտնաբերված դամբարանադաշտից, որն իր տեսակով առաջինն է ՀՀ տարածքում:
Ցուցադրությունը բաց կլինի մինչև դեկտեմբերի 30-ը։
Փոխվարչապետ Մհեր Գրիգորյանն ընդունել է Ասիական զարգացման բանկի (ԱԶԲ) Կենտրոնական և Արևմտյան Ասիայի վարչության գլխավոր…
ԱՄՆ-ի և Ռուսաստանի նախագահներ Դոնալդ Թրամփն ու Վլադիմիր Պուտինը հեռախոսազրույց են ունենում, այս մասին հայտնել…
Սփյուռքին ուղղված ծրագրերի մասին խոսելիս ԿԳՄՍ նախարար Ժաննա Անդրեասյանն անդրադարձել է կրթամշակութային աջակցությանը, մասնավորապես՝ դասագրքերի…
ՀՀ դեսպան Գրիգոր Հակոբյանը հանդիպել է ԻԻՀ արդարադատության նախարար Ամին Հոսեյն Ռահիմիի հետ: Հանդիպման ընթացքում…
Ժամանակակից ստանդարտներին համապատասխան շենքային պայմաններ, տեխնիկական հագեցվածություն, արագ արձագանքման նոր հնարավորություններ. մարտի 17-ին տեղի է…
Զելենսկին Ուկրաինան տանում է դեպի բռնապետություն: Այս մասին հայտարարել է Ուկրաինայի նախկին նախագահ Պյոտր Պորոշենկոն՝…