ԱՄՆ նախագահ Ջո Բայդենը հրաժարվել է ճանաչել Ուկրաինայում ստեղծված իրավիճակում որևէ «կարմիր գիծ», հայտնում է Սպիտակ տան մամլո ծառայությունը։
Միաժամանակ նա նշել է, որ հույսեր է կապում ՌԴ ղեկավար Վլադիմիր Պուտինի հետ երկարատև զրույցի վրա։
«Մենք վաղուց գիտեինք Ռուսաստանի գործողությունների մասին, և ես ակնկալում եմ, որ երկար զրույց կունենանք», – այսպես է Բայդենը պատասխանել հարցին, թե ինչպես է հնարավոր կանխել ՌԴ-ի «ներխուժումը» Ուկրաինա։
Հիշեցնենք, որ Պուտինն այս շաբաթ «Russia Calling» ֆորումի ընթացքում խոսել է Ուկրաինայի «կարմիր գծերի» մասին։ Նրա խոսքով՝ Մոսկվայի համար դա կլինի հարևան երկրի տարածքում զենքի տեղակայումը, և պետական անվտանգությանը սպառնացող այլ սպառնալիքներ։
ԱԳՆ պաշտոնական ներկայացուցիչ Մարիա Զախարովան իր հերթին նշել է, որ Ուկրաինայի մուտքը ՆԱՏՕ նույնպես «կարմիր գիծ» է լինելու ՌԴ-ի համար։
