Միևնույնն է՝ Հեղափոխությունը հաղթել է

Անկախ նրանից, թե որ համայնքում ով կամ որ քաղաքական ուժն է հաղթել, միևնույն է՝ Հեղափոխությունը հաղթել է։

Այս մասին ֆեյսբուքյան իր էջում գրել է վարչապետի աշխատակազմի ղեկավարի տեղակալ Տարոն Չախոյանը՝ նշելով, որ հեղափոխության միտքը, գաղափարն ու արժեքը երկրում ազատ ու արդար ընտրություններ կազմակերպելն էր։

«Նորմալ է, երբ որևէ համայնքում քաղաքացիներն այս կամ այն պատճառով իրենց վստահության քվեն տալիս են ընդդիմությանը կամ դրա ներկայացուցչին։ Առնվազն աննորմալ կլիներ, երբ բոլոր համայնքներում հաղթեին ՔՊ թեկնածուները։

Եվ հենց սա էր հեղափոխության այն վեհ արժեքը, սա էր այն գաղափարը, որի համար 2018-ին դուրս եկանք փողոց։ 2018-ից հետո Հայաստանում տեղի ունեցած ամեն մի ընտրություն՝ կլինի ՏԻՄ թե համապետական, անկախ արդյունքներից վերահաստատում է Հեղափոխության ու հեղափոխական թիմի հաղթանակը»,-գրել է Չախոյանը։