Մեղրը եզակի կենսաբանական արժեքավոր մթերք է՝ հարուստ վիտամիններով և միկրոէլեմենտներով: Մեղրի կանոնավոր օգտագործումը նպաստում է երկարակեցությանն ու առողջությանը: Lեգենդ կա, որ հայտնի բժիշկ Հիպոկրատը մեղրի կանոնավոր օգտագործման շնորհիվ կարողացել է ապրել մինչև 110 տարի: Նույնիսկ Հին Հունաստանում մեղրը համարվում էր աստվածների կերակուր, քանի որ սուրբ գրություններում հիշատակվում էր մեղրից և կաթից պատրաստված աստվածային ամբրոզիան:
Մեղրը մարդկությանը հայտնի մեր մոլորակի ամենահին բարիքներից է: Այն օգտագործում էին դեռ 15 հազար տարի առաջ՝ քարե դարում: Այդ ժամանակ նա պարզապես դելիկատես էր, նրա բուժիչ հատկությունները շատ ավելի ուշ բացահայտվեցին: Բայց մարդիկ սկսել են զբաղվել մեղվաբուծությամբ մոտ 5 հազար տարի առաջ, և, հետաքրքիր է, որ փեթակների տեսքն այդ ժամանակվանից շատ քիչ է փոխվել:
«Մեղր» անունը հրեական ծագում ունի։ Բառացիորեն այն թարգմանվում է որպես «կախարդական ծագում ունեցող», ինչը զարմանալի չէ: Մեղրը մարդու օրգանիզմը կլանում է գրեթե 100%-ով։
Մեղրի օգտակարությունը անհերքելի է: Դա պայմանավորված է նրանով, որ այն պարունակում է ավելի քան 300 օգտակար տարրեր, որոնցից 23-ը ամինաթթուներ են իսկ 40-ը՝միկոտարրեր: Թերևս սա նման բաղադրությամբ միակ պրոդուկտն է:
Այն դրական է ազդում ուղեղի աշխատանքի վրա ամրացնում է հիշողությունը բարելավում է ինտելեկտը օգնում է մտածողության գործընթացներին։ Բացի այն, որ մեղրը ամրացնում է իմունային համակարգը և ունի ընդգծված հակամանրէային և հակավիրուսային ազդեցություն, այն օգնում է նվազեցնել խոլեստերինը, բարելավում է մարսողությունը և արյան կազմը և գործում է որպես մեղմ քնաբեր:
Մեղրը չի կարելի տաքացնել։ Ուժեղ տաքացնելու դեպքում նրա բոլոր սննդարար հատկանիշները ոչնչացվում են, ուստի եթե մեղրը լցնեք շատ տաք թեյի կամ եռման ջրի մեջ, այն քաղցր կլինի, բայց ոչ օգտակար։ Այն կարելի է տաքացնել առավելագույնը 50 աստիճան։
Այն օգնում է օրգանիզմին ձերբազատվել ալկոհոլից, ուստի մի փոքր մեղր խումհարի դեպքում կթեթևացնի ձեր ինքնազգացողությունը։ Չինաստանը աշխարհում առաջին տեղն է զբաղեցնում մեղրի արտադրությամբ:
Աֆրիկայում նույնպես մեղուներ են հանդիպում, բայց նրանք մեղր չեն պատրաստում, քանի որ այս շոգ մայրցամաքում ցուրտ ու սոված ձմեռ չկա և նրանք կարիք չունեն պաշարներ հավաքելու:
Մեղրը լայնորեն կիրառվում է կոսմետոլոգիայում և հանդիպում է բազմաթիվ տարբեր կրեմների բաղադրության մեջ։ Միջին մեղվի փեթակը, որում ապրում են այդ միջատներից մի քանի հազար, տարեկան հավաքում է 20-ից 45 կգ մեղր՝ կախված տեղանքից, եղանակից և այլ գործոններից:
Մեղրը կարելի է պահել դարերով և նույնիսկ հազարամյակներով։ Հին Եգիպտոսի որոշ փարավոնների գերեզմաններում հայտնաբերվել են մեղրով ամֆորաներ, որոնք պիտանի են եղել օգտագործման:
«Մեղրամիս» տերմինը գալիս է Նորվեգիայից, որտեղ հին ավանդույթներից մեկի համաձայն, հարսանիքից հետո մեկ ամիս նորապսակները կամ պետք է ուտեն մեղր, կամ խմեն մեղրով ըմպելիքներ:
Գրիգ Հակոբյան
