Ամենատարածված բնական քաղցրավենիքներից մեկը արմավն է

Ամենատարածված բնական քաղցրավենիքներից մեկը՝ արմավը ավելացվում է բոլոր տեսակի վեգան կարկանդակների, տորթերի, պաղպաղակի, սմուզիների և նույնիսկ քաղցր աղցանների մեջ։ Արմավն անվանում են «անապատի հաց» և դա իզուր չէ։ Արմավենու չորացրած պտուղները հնագույն ժամանակներից ծառայել են որպես Մերձավոր Արևելքի և Հյուսիսային Աֆրիկայի սննդակարգի հիմքը։

Արմավը աներևակայելի սննդարար է։ Արմավի էներգետիկ արժեքը 100 գրամի դիմաց 200 կկալից ավելի է, ինչը նրանց էներգիայի անփոխարինելի աղբյուր է դարձնում։ Այն հաճախ տանում են երկար արշավների։ Բժիշկները խորհուրդ են տալիս արմավն օգտագործել հիվանդությունից և վիրահատությունից հետո, ենթադրվում է, որ այն օգնում է օրգանիզմին ավելի արագ վերականգնվել։ Արմավի օգտագործումը նպաստում է աղեստամոքսային տրակտի աշխատանքի ակտիվացմանը՝ շնորհիվ թաղանթանյութի բարձր պարունակության։

Արմավը պարունակում է շատ գլյուկոզա, ինչը նշանակում է, որ օգնում է ուղեղին և մտավոր կենտրոնացմանը։ Արմավը պարունակում է ֆտոր, որը բավականին հազվադեպ է հանդիպում բնական տեսքով, որը պաշտպանում է մեր ատամները կարիեսից։ Արմավը հանգստացնում է հազը և նպաստում խորխի հեռացմանը, օգտակար է թոքերի համար, խորհուրդ է տրվում օգտագործել հիպերտոնիայի և անեմիայի դեպքում։

Շնորհիվ այն բանի, որ արմավենու և նրա պտուղների օգտագործման բազմազանությունը` սկսած սննդից մինչև շինանյութ տարածված է Կենտրոնական Ասիայում, այն հայտնի է որպես «կյանքի ծառ» և հանդիսանում է Սաուդյան Արաբիայի և Իսրայելի ազգային խորհրդանիշը:

Արմավենու սերմերը կարող են մնալ շատ տասնամյակներ մինչև աճի համար հասանելի լինեն լույսի և ջրի անհրաժեշտ պայմանները: Արմավենու համար պահանջվում է առնվազն 100 օր՝ 47 աստիճան ջերմաստիճանով և շատ ջուր որակյալ մրգերի աճի համար։

Գրիգ Հակոբյան