Սեյրան Օհանյանը՝ Արմեն Սարգսյանի հրաժարականի մասին
ՀՀ նախագահ Արմեն Սարգսյանը փորձում է խուսափել արտաքին և ներքաղաքական գործընթացներից, որոնք կարող են առաջիկայում սկսվել։ Այս մասին լրագրողների հետ ճեպազրույցում հայտարարեց «Հայաստան» խմբակցության ղեկավար, ՀՀ պաշտպանության նախկին նախարար Սեյրան Օհանյանը:
«ՀՀ նախագահի անգործունեության վերջին 3 տարվա դիտարկումները թույլ են տալիս եզրակացնելու, որ նա լիարժեք չի կարողացել կատարել իր պարտականությունները, որքան էլ որ իր տեքստում մեղադրի Սահմանադրությանը, իր ու ընտանիքի նկատմամբ վերաբերմունքին։ Նախագահը սահմանադրությամբ հանդիսանում է հանրապետության գլուխը, ու ինքն ուներ և՛ արարողակարգային, և՛ ուղղակի պարտականություններ Հայաստանի անվտանգության ու տարածքային ամբողջականության երաշխիք հանդիսանալու համար, բայց նա այդ ամենը չի արել»,– նշեց Օհանյանը` չբացառելով, որ կարող է Հայաստանի համար ոչ շահեկան փաստաթուղթ ստորագրվել։Նախագահը կարող էր իր ինստիտուտի շնորհիվ զսպող մեխանիզմ ձևավորել, որոնց շնորհիվ թույլ չէին տա բավականին լուրջ սխալներ կատարել, սակայն թերացել է իր պարտականությունները կատարելու հարցում։
«Ցավում եմ, որ նա հրաժարական է տվել դրսից, չգիտեմ պատճառն ինչ է եղել, իմ տեղեկություններով` առողջական խնդիր չունի։ Եթե նա ցանկանում է հայ ժողովրդի ապագային վերաբերող որևէ բան ապացուցել, ապա ընդհակառակը, պետք է լինի այստեղ և շարունակի իր գործունեությունը»,– նշեց Օհանյանը։
Դրա հետ մեկտեղ «Հայաստան» խմբակցության ղեկավարը հայտարարեց, որ խմբակցությունը քննարկում կանցկացնի և կորոշի՝ առաջադրել իր թեկնածուին, թե ոչ: Նրա խոսքով՝ պետության ղեկավար պետք է ընտրվի մի մարդ, որը հարգված է ոչ միայն Հայաստանում, այլև սփյուռքում:
Հիշեցնենք` երեկ երեկոյան ՀՀ նախագահ Արմեն Սարգսյանը հրաժարական տվեց։ Նա նշել է, որ շատ երկար է մտածել և մոտ չորս տարի ակտիվ աշխատելուց հետո որոշել է հրաժարական տալ Հանրապետության նախագահի պաշտոնից: Ըստ Սարգսյանի` նախագահը չունի անհրաժեշտ գործիքներ՝ երկրի և ազգի համար ներկայիս բարդ ժամանակներում ազդելու ներքին և արտաքին քաղաքականության արմատական գործընթացների վրա։
Հավելենք, որ հանրապետության նախագահն ընտրվում է Ազգային ժողովի կողմից: Թեկնածու առաջադրելու իրավունք ունի ԱԺ պատգամավորների առնվազն մեկ քառորդը, իսկ այսօր ընդդիմադիր «Պատիվ ունեմ»-ի ու «Հայաստան» դաշինքի պատգամվորների թիվը մեկ քառորդից ավելի է։
Recent Posts
Հայաստանը կլիմայական ռիսկերը կառավարելու պատասխանատու վերաբերմունք ունի
Նախարար Հակոբ Սիմիդյանն ընդունել է ԱՍԳ (Ազգային մակարդակով սահմանված գործողություններ) գործընկերության աջակցման գրասենյակի գլոբալ տնօրենի…
Պուտինն ընդլայնել է Վրաստանի քաղաքացիների համար առանց վիզայի ռեժիմը
ՌԴ նախագահ Վլադիմիր Պուտինը հրամանագիր է ստորագրել, որով ընդլայնում է Վրաստանի քաղաքացիների համար առանց վիզայի…
Վճարի՛ր անկանխիկ, խուսափի՛ր հերթերից՝ վճարելով ավելի ցածր միջնորդավճար. ՆԳՆ
Ներքին գործերի նախարարության բարեփոխումների շրջանակում մեկնարկած թվայնացման գործընթացի արդյունքում ՆԳՆ հաշվառման քննական ծառայությունների մատուցման, թույլտվությունների…
Կոպիրկինը Շիրակի մարզում է
Շիրակի մարզպետի տեղակալ Աննա Մարտիկյանն աշխատակազմի պատասխանատուների հետ այսօր հյուրընկալել է Հայաստանի Հանրապետությունում Ռուսաստանի Դաշնության…
Անձնական տվյալների պաշտպանության վերաբերյալ վերլուծություն կիրականացվի
Արդարադատության նախարարի տեղակալ Կարեն Կարապետյանն ընդունել է Հայաստանում ԵՄ պատվիրակության ներկայացուցիչներին՝ քննարկելու Հայաստանում անձնական տվյալների…
40+10 հազար դրամ աջակցության շահառուների ցանկն ընդլայնվել է
ԼՂ-ից բռնի տեղահանված այն ընտանիքները, որոնք հանդիսացել են ԼՂ առանձին շրջաններից տեղահանված ընտանիքների բնակապահովման պետական…