Ինչպես հաղորդում է ТАСС-ը, Ղրղզստանի նախկին նախագահ Ալմազբեկ Աթամբաևը կալանավորվել է մինչև օգոստոսի 26-ը։ Այս մասին հայտնել է նրա փաստաբան Սերգեյ Սլեսարևը:

Ինչպես արդեն տեղեկացրել էինք, Աթամբաևը հանձնվել էր իրավապահներին օգոստոսի 8-ին՝ նրա կեցավայրի գրոհի ժամանակ։ Աթամբաևի կողմնակիցները դիմակայել էին, բախում էր առաջացել նրանց և ուժայինների միջև: Անկարգությունների հետևանքով տուժել էր 79 մարդ, զոհվել է մեկ ուժային, ևս մեկ իրավապահ դեռ կոմայի մեջ է։