Ուկրաինան Արժույթի միջազգային հիմնադրամից (ԱՄՀ) 2,2 մլրդ դոլար է ստացել ընդլայնված վարկավորման ծրագրի (EFF) գծով՝ մոտ 16 մլրդ դոլար ընդհանուր ծավալով: Այդ մասին հայտնել է երկրի վարչապետ Դենիս Շմիհալը:
«Դա ծրագրով նախատեսված 16 մլրդ դոլար ծավալով միջոցների մի մասն է։ Դրանք ստանալու համար Ուկրաինան կատարել է կարևոր տնային աշխատանք և ԱՄՀ-ի հետ մեր երկկողմ հարաբերություններում առաջին անգամ հաջողությամբ անցել է ծրագրի չորրորդ վերանայումը»,-ասվում է Շմիհալի հայտարարության մեջ։
