Բրիտանական BBC-ին տված հարցազրույցում Հոլանդիայի վարչապետ Մարկ Ռուտտեն խոսել է Բրեքսիտի՝ Մեծ Բրիտանիայի համար հնարավոր բացասական հետևանքների մասին։ Ռուտտեի կարծիքով Բրեքսիտը կխարխլի Մեծ Բրիտանիայի հիմքերը, արդյունքում երկիրը կկորցնի իր այժմյան դերը համաշխարհային քաղաքականության մեջ։ Նա նշել է նաև, որ Բրեքսիտի համաձայնագիրն այլևս չի վերանայվի, փոփոխություններ հնարավոր են միայն այն դեպքում, երբ Մեծ Բրիտանիան ԵՄ-ին կհայտնի և կհիմնավորի, թե ինչպես է պատրաստվում լուծել Իռլանդիայի հետ սահմանային հարցերը։ «Այնուամենայնիվ, ամեն ինչ Մեծ Բրիտանիայի ձեռքերում է»,- եզրափակել է Մարկ Ռուտտեն։