Իսրայելը քայլ առ քայլ ընդլայնում է իր էսկալացիան դեպի Լիբանան: Այս մասին հայտարարել է Թուրքիայի արտգործնախարար Հաքան Ֆիդանը` մեկնաբանելով Լիբանանում կապի միջոցների պայթյունները։

«Իսրայելը կործանարար քաղաքականություն է վարում, որը հիմնված է մոլեռանդ մտածողության վրա և հեռու է ողջախոհությունից»,- նշել է Ֆիդանը։

Նա նաև նշել է, որ Իրանը նույնպես կարող է միանալ Մերձավոր Արևելքի պատերազմին։

«Մեծ պատերազմի վտանգ կա, ցավոք, ԱՄՆ-ն ոչինչ չի կարող անել, պետք է մտածել այդ սպառնալիքը կանխելու մասին»։

Նախարարի խոսքով՝ Մերձավոր Արևելքում պատերազմին վերջ տալու համար քաղաքական կամք է պետք։

«Այժմ մենք նման քաղաքական կամք չենք տեսնում»,- շեշտել է նա։