ՌԴ ԱԳ նախարար Սերգեյ Լավրովը և Չինաստանի արտգործնախարար Վան Ին քննարկել են Եվրասիական անվտանգության, ԱՄՆ-ի հետ հարաբերությունների, ուկրաինական ճգնաժամի և Ասիական-խաղաղօվկիանոսյան տարածաշրջանի իրավիճակը։ Այս մասին ասված է ՌԴ ԱԳՆ հայտարարության մեջ։ Վանը ընդգծել է, որ ուկրաինական ճգնաժամը լուծելու Պեկինի նախաձեռնությունները պահանջում են վերացնել դրա հիմնական պատճառները։

հատիկառհատիկ «Դատարանի վճռով Կոտայքի մարզի Նաիրի (Քասախ) համայնքի Ե. Չարենցի 4-րդ փողոցի 13 հասցեում գտնվող 0.08 հա մակերեսով հողամասի նկատմամբ, որպես ապօրինի ձեռքբերված գույք, վերականգնվել է Կոտայքի մարզի Նաիրի համայնքի սեփականության իրավունքը: Շուկայականին մոտարկված արժեքը՝ 5 միլիոն դրամ»,-այս մասին ֆեյսբուքյան իր էջում գրել է ՀՀ վարչապետ Նիկոլ Փաշինյանը։

Իրանում ՀՀ դեսպան Գրիգոր Հակոբյանը հանդիպում է ունեցել ԻԻՀ ԱԳ նախարարի՝ հյուպատոսական, խորհրդարանական և իրանցիների հարցերով տեղակալ Վահիդ Ջալալզադեի հետ: Այս մասին հայտնում են Իրանում ՀՀ դեսպանությունից: Քննարկվել են հյուպատոսական ոլորտում համագործակցության հարցեր, երկուստեք ընդգծվել է միջմարդկային կապերն ակտիվացնելու պատրաստակամությունը: Անդրադառնալով ՀՀ և ԻԻՀ քաղաքացիներին վերաբերող իրավական հարցերին՝ կողմերը կարևորել են հյուպատոսական հարցերով խորհրդակցությունների անցկացումը: […]

Քիչ առաջ բերման են ենթարկվել Գյումրիի նախկին քաղաքապետ Վարդան Ղուկասյանն ու թիկնապահը. այս մասին տեղեկացրել է Վարդան Ղուկասյանի ֆեյսբուքյան էջը։ ՆԳՆ-ից այս կապակցությամբ հայտնեցին, որ 2 անձ ձերբակալվել է ապօրինի զենք-զինամթերք կրելու, պահելու կասկածանքով։ «Նրանք տեղափոխվել են Քրեական ոստիկանության Շիրակի բաժանմունք»,- Radar Armaenia-ի հետ զրույցում ասաց ՆԳՆ խոսնակ Նարեկ Սարգսյանը։

ՀՀ կառավարության այսօրվա որոշմամբ` մարզային բոլոր բժշկական կենտրոններն անցնում են Առողջապահության նախարարության ենթակայության տակ: «Հաջորդիվ կենտրոնների կառավարման նոր մոդելի ներդրումն է լինելու, որը կապահովի բուժծառայությունների հասանելիության ընդլայնումը, որակի բարելավումը և կնպաստի ֆինանսատնտեսական արդյունավետության բարձրացմանը: Շարունակելու ենք սերտ աշխատել մարզային իշխանությունների մեր գործընկերների հետ` ի նպաստ մեր քաղաքացիների առողջապահական կարիքների բավարարմանը»,- ֆեյսբուքի իր էջում գրել է […]

Տիգրան Աբրահամյանը գրում է. «ԱԺ-ում հանդիպում-քննարկում ունեցա տարբեր բուհերի բարձր առաջադիմություն ունեցող մի խումբ ուսանողների հետ: Օրվա խորհրդի շրջանակներում խոսեցի Արցախի ազգային-ազատագրական պայքարի, Արցախի ինքնորոշման իրավունքի, Հայաստանի անկախության և հաղթանակների մասին: Ընդգծեցի, որ չնայած ծանր իրավիճակին, փակուղուց դուրս գալու ելքեր կան, ինչի ուղղությամբ պայքարը պետք շարունակել` մինչև իր տրամաբանական հանգրվան»:

Լրագրող Թաթուլ Հակոբյանը գրել է. «Պետք է ընդունել, որ անգամ 2020-ի սարսափելի պարտությունից և 2023-ի արհավիրքից՝ Արցախի հայաթափումից հետո Նիկոլ Փաշինյանն է Հայաստանում օրակարգ թելադրում: Մի կողմ եմ թողնում, թե ինչքանով են նրա ներկայացրած թեզերը ընդունելի կամ անընդունելի, գաղափարական կամ պոպուլիստական… Փաշինյանը, այո, թելադրում է օրակարգ: Բնականաբար, որպես ՀՀ քաղաքացի և մեկ ձայն ունեցող մարդ, […]