Լրագրող Թաթուլ Հակոբյանը գրել է.
«Պետք է ընդունել, որ անգամ 2020-ի սարսափելի պարտությունից և 2023-ի արհավիրքից՝ Արցախի հայաթափումից հետո Նիկոլ Փաշինյանն է Հայաստանում օրակարգ թելադրում:
Մի կողմ եմ թողնում, թե ինչքանով են նրա ներկայացրած թեզերը ընդունելի կամ անընդունելի, գաղափարական կամ պոպուլիստական… Փաշինյանը, այո, թելադրում է օրակարգ:
Բնականաբար, որպես ՀՀ քաղաքացի և մեկ ձայն ունեցող մարդ, ես ԴԵՄ եմ քվեարկելու Փաշինյանի նոր սահմանադրությանը, քանի որ այն ոչ թե իրավական տեքստ է, այլ բարոյախրատական, էժան քարոզ, որը, գուցե, զանգվածների վրա ունի ազդեցություն:
Եթե ՀՀ քաղաքացիները դեմ քվեարկեն նոր սահմանադրություն կոչվածին, ապա Փաշինյանի կմնա Սերժ Սարգսյանի մոգոնած սահմանադրության հույսին: Դրանից Փաշինյանը օգտվել և շարունակելու է օգտվել:
Եթե ՀՀ քաղաքացիները կողմ քվեարկեն, ապա Փաշինյանը էլի հաղթած դուրս կգա:
Չեմ բացառում, իհարկե, որ ձևավորվի մի ուժ, որ կարողանա ընտրական ճանապարհով իշխանությունից հեռացնել Փաշինյանին ու թիմին:
Հիմա ընդդիմության շարքերում վիճակն անհուսալի է թվում, բայց դա կարող է միանգամից փոխվել, ինչպես եղավ 2018 թվականին»։
