«Վարչապետի գավաթ» մրցաշարի անցկացման կարգում որոշ փոփոխություններ են արվել: Սեղանի թենիսի և խճուղային հեծանվավազքի մրցաշարերը կանցկացվեն միայն դպրոցականների համար: «Ի սկզբանե, «Վարչապետի գավաթի» 5 մրցաշարերից միայն մեկն էինք անում դպրոցականների համար», – ասում է ԿԳՄՍ նախարարի տեղակալ Կարեն Գիլոյանը: Հեծանվավազքի նորացված մրցաշարից առաջ Հանրապետության բոլոր 1400 դպրոցներին տրամադրվելու են հեծանիվներ՝ մարզվելու, հետո մրցույթներին մասնակցելու համար:

Մարտի 9-ին՝ ժամը 17։00-ի դրությամբ, Թալինի տարածաշրջանում թույլ ձյուն է տեղում։ Միջպետական և հանրապետական նշանակության բոլոր ավտոճանապարհները բաց են:

ԿԳՄՍ նախարար Ժաննա Անդրեասյանը ֆեյսբուքյան իր էջում գրել է. «Գավառի ավագ դպրոցի և Երևանի թիվ 105 ավագ դպրոցի ներկայացրած կարճամետրաժ ֆիլմերը հայտնվել են ՅՈՒՆԵՍԿՕ-ի կողմից կազմակերպված «Երբ ձայնը ստեղծում է պատկեր» միջազգային դպրոցական մրցույթի ընտրված 20 ֆիլմերի կարճ ցանկում և մայիսի 16-ին կցուցադրվեն Կաննում` փառատոնի մեկնարկին։ Ընդ որում, մրցույթին մասնակցել է 32 երկիր՝ 210 ֆիլմերով, […]

Վայոց ձորի մարզի Եղեգնաձոր քաղաքում տեղի է ունեցել նորակառույց բժշկական կենտրոնի բացման արարողությունը: Այդ մասին ասված է ՀՀ վարչապետ Նիկոլ Փաշինյանի գրառման մեջ։ «Ծրագրի արժեքը կազմում է 2,67 մլրդ դրամ: Բժշկական կենտրոնը հագեցվել է ժամանակակից տեխնիկական սարքավորումներով»,- նշված է գրառման մեջ:

Ադրբեջանի զինված ուժերը կրկին զորավարժություններ են անցկացնում Նախիջևանում։ Այդ մասին հայտնել է Ադրբեջանի պաշտպանության նախարարությունը: Զորավարժություններին մասնակցող ստորաբաժանումները խաղարկում են մարտական գործողությունների մի շարք սցենարներ, այդ թվում՝ պայմանական հակառակորդի ամրացված դիրքերի և ճակատային գծի մոտ գտնվող հրամանատարական կետի գրավումը։

Մարտի 19-ին Եվրախորհրդարանում տեղի կունենա «Հայ ռազմագերիները Ադրբեջանում. Իրավիճակը, որը ստեղծվել է Եվրախորհրդարանի համապատասխան բանաձևի ընդունումից 3 տարի անց» թեմայով համաժողով։ Այս մասին հայտնում են Բելգիայում ՀՀ դեսպանությունից։

Պաշտոնական այցով Էստոնիայի Հանրապետություն էր մեկնել ՀՀ ԱԺ նախագահ Ալեն Սիմոնյանի գլխավորած պատվիրակությունը: Խորհրդարանի ղեկավարը հանդիպել է Էստոնիայի ԱԺ նախագահի, ԱԳ նախարարի և երկրի վարչապետի հետ: Հանդիպումների ընթացքում քննարկվել են երկկողմ հարաբերությունների խորացմանն առնչվող հարցեր, անդրադարձ է եղել տարածաշրջանային զարգացումներին ու խնդիրներին: Մանրամասները՝ ԱԺ տեսանյութում: