Թուրքիայի էներգետիկայի նախարարության ղեկավար Ալփարսլան Բայրաքթարը հայտարարել է Իսրայելի հետ էներգետիկ ոլորտում նախագծերի դադարեցման մասին։ «Նման պայմաններում Իսրայելի հետ նախագծեր իրականացնելու մասին խոսելը տեղին չի լինի: Միակ բանը, ինչի մասին կարող ենք խոսել, Գազայի հատվածին էլեկտրաէներգիայի և ջրի մատակարարումն է»,- ասել է թուրք նախարարը A Para հեռուստաալիքի եթերում: Բայրաքթարը նոյեմբերին ծրագրում էր մեկնել Իսրայել։

ԱՊՀ երկրներում ռուսալեզու լրատվամիջոցների պահանջարկը մեծանում է կազմակերպության երկրներում ռուսաց լեզուն սովորելու հետաքրքրության և անհրաժեշտության ֆոնին․ այս մասին ասել է ԱՊՀ գլխավոր քարտուղար Սերգեյ Լեբեդևը՝ «Լրատվամիջոցների զարգացումը փոփոխվող աշխարհում» 2–րդ ֆորումի մասնակիցներին ուղղված իր ողջույնի խոսքում, որն ընթերցել է ԱՊՀ գործկոմի խոսնակ Սվետլանա Մալինինան։

Ճանապարհային երթևեկությունը բացվել է Ռիկոտի արագընթաց մայրուղու 27 կիլոմետրանոց հատվածում, որը Արևելք-Արևմուտք միջազգային մայրուղու մաս է կազմում։  Ռիկոտի մայրուղու նոր՝ 27 կիլոմետրանոց քառուղի ունեցող հատվածը սկսվում է Խարագաուլիի մունիցիպալիտետի Խևի գյուղից և ավարտվում Զեստաֆոնիի մունիցիպալիտետի Շորապանի գյուղում: Խևի-Շորապանի հատվածը ներառում է 65 կամուրջ և 38 թունել։

Բայդենի վարչակազմի ինտենսիվ դիվանագիտական ներգրավվածությունից հետո Իսրայելը կթույլատրի օրական 100 բեռնատար մարդասիրական օգնություն մուտք գործել Գազա․ երկուշաբթի օրը The Times of Israel-ին հայտնել է ամերիկացի պաշտոնյան: Համաձայնագիրը ձեռք է բերվել մի քանի ժամ հետո այն բանից, երբ ՄԱԿ-ի Պաղեստինյան փախստականների գործակալությունը (UNRWA) նախազգուշացրել է, որ Գազա մուտք գործող օգնության բեռնատարների սահմանափակ քանակությունը բավարար չէ այդ […]

Թուրքիայի ռազմածովային ուժերն իրենց պատմության մեջ ամենամեծ ռազմածովային շքերթն են  իրականացնում՝ ի պատիվ Հանրապետության հարյուրամյակի: Թուրքական 100 ռազմանավերից բաղկացած նավատորմը նավարկում է Բոսֆորով:

Ադրբեջանի խորհրդարանում նոր խումբ է ստեղծվել, որը կաջակցի կորսիկացի ժողովրդին։ Խմբի կազմում ընդգրկվել են 4 պատգամավորներ՝ Թուրալ Գանջալիևը, Ջավանշիր Ֆեյզիևը, Շահին Իսմայիլովը, Ազեր Քարիմլին։ Ադրբեջանական ԶԼՄ-ները հայտնում են, որ խումբը կաջակցի կորսիկացի ժողովրդին վերականգնել ազգային ինքնությունը՝ երաշխավորելով նրանց հիմնարար իրավունքներն ու ազատությունը։

Մեկնարկել են ադրբեջանա-թուրքական համատեղ մարտավարական «Մուստաֆա Քեմալ Աթաթուրք-2023» զորավարժությունները՝ ադրբեջանական բանակի և Թուրքիայի զինված ուժերի զինծառայողների մասնակցությամբ։ Զորավարժություններն անցկացվում են ինչպես Ղարաբաղում, այնպես էլ Նախիջևանում։