Ռուսաստանի Ռոսսելխոզնադզորը դիմել է Իրանի բույսերի պաշտպանության կազմակերպությանը՝ խնդրելով ժամանակավորապես դադարեցնել դեպի Ռուսաստան ծաղիկների արտահանման հավաստագրումը։
Կառույցը կասկածներ ունի, որ Իրանից ներմուծվող ծաղիկներն իրականում հայկական ծագում ունեն, քանի որ դրանց փաթեթավորումն ու արտաքին տեսքը նույնական են Հայաստանից նախկինում մատակարարվող արտադրանքին։
«Բուսասանիտարական հավաստագրերում որպես արտադրանքի ծագման վայր նշված է Իրանը։ Սակայն արտադրանքի արտաքին բնութագրերը և փաթեթավորումը նույնական են Հայաստանից նախկինում ներմուծվածներին»,- ասվում է հաղորդագրության մեջ։
Հիշեցնենք, որ 2026 թվականի մայիսի 22-ից Ռուսաստանը արգելել է Հայաստանից ծաղիկների ներմուծումը, և ռուսական կողմը այս քայլով փորձում է կանխել Հայաստանի համար սահմանված արգելքը Իրանի միջոցով շրջանցելու հնարավոր փորձերը։
