ՀՀ փոխվարչապետ Համբարձում Մաթեւոսյանը շնորհավորական ուղերձ է հղել Կանանց միջազգային օրվա՝ Մարտի 8-ի առթիվ: Այն ներկայացնում ենք ստորև.
«Սիրելի՛ կանայք,
Սրտանց շնորհավորում եմ բոլորիդ Կանանց միջազգային օրվա կապակցությամբ: Առանձնակի խոնարհումս հերոսածին մեր մայրերին։ Մարտի 8-ն առիթ է՝ ընդգծելու մեր մայրերի, կանանց ու աղջիկների նկատմամբ ունեցած ջերմ զգացմունքներն ու վերաբերմունքը, փաստելու բոլոր ոլորտներում Ձեր ներգրավվածության կարևորությունն ու անհրաժեշտությունը:
Միշտ եղեք առողջ, շրջապատված անսպառ սիրով ու ուշադրությամբ:
Կրկին շնորհավորում եմ Մարտի 8-ի կապակցությամբ և մաղթում խաղաղություն ու մեծ երջանկություն»։
