Եվրամիությունը պատրաստվում է խստացնել Ռուսաստանի դեմ պատժամիջոցները Ուկրաինա ներխուժման պատճառով։ Այս մասին Twitter-ում հայտնել է Եվրահանձնաժողովի ղեկավար Ուրսուլա ֆոն դեր Լեյենը։
Նոր միջոցառումները ներառում են․
պատժամիջոցներ 160 մարդու նկատմամբ, այդ թվում՝ խոշոր ռուս գործարարների և Դաշնային խորհրդի անդամների
ծովային նավագնացության ոլորտում տեխնոլոգիաների արտահանման սահմանափակումներ դեպի Ռուսաստան
պատժամիջոցներ կրիպտոարժույթով ակտիվների (որոնք նշված չեն) և Բելառուսի բանկային հատվածի դեմ
Ավելի վաղ Եվրամիությունը պատժամիջոցներ է կիրառել Պետդումայի գրեթե բոլոր պատգամավորների նկատմամբ, ովքեր հավանություն են տվել ՌԴ նախագահին ուղղված դիմումին ԿԺԴՀ-ի և ԼԺՀ-ի անկախության ճանաչման վերաբերյալ և կողմ են քվեարկել ինքնահռչակ հանրապետությունների հետ բարեկամության և համագործակցության պայմանագրերի վավերացմանը։
Բացի այդ, ԵՄ սահմանափակումներն անդրադարձել են ռուսական որոշ բանկերի, ռուսների ավանդների, անձամբ ՌԴ նախագահ Վլադիմիր Պուտինի, ինչպես նաև մի շարք պաշտոնյաների, գործարարների և քարոզիչների վրա
