Ուկրաինայում Ռուսաստանի հատուկ ռազմական գործողության անսպասելի հետևանքներից մեկը Վենեսուելայի հետ ԱՄՆ-ի մերձեցումն էր: ԱՄՆ նախագահ Ջո Բայդենը հայտարարեց Բոլիվարյան Հանրապետությունում կալանքի տակ գտնվող երկու ամերիկացիների ազատ արձակման մասին: Դա տեղի է ունեցել ամերիկյան կառավարական պատվիրակության՝ Կարակաս կատարած այցից հետո։
Աղբյուրների համաձայն՝ բանակցություններում քննարկվել է նաև նավթի արտահանման հետ կապված Վենեսուելայի դեմ պատժամիջոցների թուլացման հնարավորությունը։ Կարակասում պնդում են, որ պատրաստ են կարճ ժամանակում 50%-ով ավելացնել դրա արտադրությունը։
«Այս գիշեր Վենեսուելայում անօրինական կերպով կալանավորված երկու ամերիկացիներ կկարողանան կրկին գրկել իրենց հարազատներին»,-ասված է նախագահ Ջո Բայդենը Սպիտակ տան տարածած հայտարարության մեջ։ Մասնավորապես, ազատ է արձակվել Գուստավո Կարդենասը։ Նա ամերիկյան Citgo ընկերության (Վենեսուելական Pdvsa պետական նավթային ընկերության դուստր ձեռնարկություն) վեց նախկին ղեկավարներից մեկն է, որոնք ձերբակալվել են 2017 թվականին՝ փողերի լվացման մեղադրանքով։
2020 թվականին Վենեսուելայի Գերագույն դատարանը վեց ամերիկացիների դատապարտել էր 8-ից 13 տարվա ազատազրկման։ Ազատ արձակված երկրորդ անձը՝ Խորխե Ալբերտո Ֆերնանդեսը (նաև ԱՄՆ քաղաքացի) կալանավորվել է անցյալ տարի ահաբեկչության մեղադրանքով (կասկածներ են հարուցել այն փաստը, որ նա փորձել է անօդաչու թռչող սարք մտցնել հանրապետության տարածք)։
Ըստ Սանկտ Պետերբուրգի համալսարանի պրոֆեսոր, Լատինական Ամերիկա ամսագրի գլխավոր խմբագիր Վիկտոր Հայֆեցի՝ Վենեսուելայի նախագահ Նիկոլաս Մադուրոն ժեստ է արել՝ «հաստատելով ԱՄՆ-ի հետ բանակցելու իր պատրաստակամությունը»։ «Ավելին, ոչ պարտավորեցնող ժեստ. Մադուրոն դեռ ոչ մի բանում չի զիջել, այլ ցուցաբերել է «մարդասիրություն»։ Ի վերջո, նրանք եկել են խոնարհվելու նրա առաջ, և նա հանդես չի գալիս որպես խնդրող, նա նույնիսկ ունի նախնական բանակցային լավ դիրքորոշում»,- «Կոմերսանտ»-ին ասել է աղբյուրը՝ նկատի ունենալով այն փաստը, որ անցյալ շաբաթավերջին ամերիկյան կառավարական պատվիրակությունն այցելել է Կարակաս։
Մանրամասները՝ սկզբնաղբյուրում։
