ՀՀ վարչապետ Նիկոլ Փաշինյանն ապրիլին պաշտոնական այցով Ռուսաստան կմեկնի։ Փաշինյանն այդ մասին հայտնեց այսօրվա կառավարության նիստի ժամանակ։
«Այս տարի լրանում է մի շարք երկրների հետ դիվանագիտական հարաբերություններ հաստատելու 30-ամյակը։ Այդ կապակցությամբ ապրիլին նախատեսված է նաև իմ այցը Ռուսաստանի Դաշնություն։ Հիմա այդ այցի նախապատրաստական փուլում ենք»,–նշել է Փաշինյանը։
Վարչապետի խոսքով` պետք է ամեն ինչ անեն, որ այցը բարձր մակարդակով և հարուստ բովանդակությամբ ընթանա։
