Հայաստանի կառավարության թիվ մեկ խնդիրը սպասվող գնաճի դեմն առնելն է։ Այսօր կառավարության նիստից հետո, լրագրողների հետ ճեպազրույցում հայտարարեց ՀՀ նորընտիր նախագահ, ԲՏԱ նախարար Վահագն Խաչատուրյանը։
«Դրա համար տարբեր գործիքակազմեր կան, որոնցից մեկը ապրանքային պաշարներ ունենալն է։ Բայց, տեսեք` համաշխարհային շուկայում ցորենի գինը միանգամից 50 դոլարով աճեց։ Ամեն ինչ նաև կապված է նավթի գների հետագա աճից։ Վատատեսական այդ սցենարը պետք է ունենաք, իհարկե, հասարակության և գործարարների շրջանում տրամադրությունները պետք է ոչ թե այդ սցենարի շրջանակներում իրականացնենք, այլ այն սցենարի, որում մարդիկ պետք է համոզված լինեն, որ պետության կողմից ամեն ինչ արվում է բիզնես շրջանակներին, սոցիալապես անապահով քաղաքացիներին աջակցելու համար»,– ասաց Խաչատուրյանը։
Այս պահին, ըստ Խաչատուրյանի, կառավարությունը շարունակում է առաջնորդվել 2021թ–ի դեկտեմբերին ընդունված 2022թ–ի պետական բյուջեի ծրագրերով։ Դրանցում, ըստ նրա, որևէ փոփոխություն դեռ չի արվել։
