Սպասվում է քամու ուժգնացում

Հայաստանի Հանրապետության տարածքում մարտի 11-13-ը ժամանակ առ ժամանակ շրջանների զգալի մասում, 14-15-ն առանձին շրջաններում սպասվում են տեղումներ, առանձին հատվածներում` ինտենսիվ։

Ինչպես հայտնում է ՀՀ ԱԻՆ մամուլի ծառայությունը, տեղումները լեռնային և նախալեռնային շրջաններում սպասվում են ձյան տեսքով։

Լեռնային առանձին շրջաններում սպասվում է բուք, ցածր հորիզոնական տեսանելիություն։

Քամին արևմտյան է` 2-5 մ/վ արագությամբ, մարտի 10-13-ն առանձին շրջաններում սպասվում է քամու ուժգնացում` 15-20 մ/վ արագությամբ:

Օդի ջերմաստիճանը մարտի 12-15-ն աստիճանաբար կնվազի 6-8 աստիճանով։

Երևան քաղաքում մարտի 11-12-ը, 13-ի ցերեկը ժամանակ առ ժամանակ սպասվում են տեղումներ, մարտի 11-ին հնարավոր է ամպրոպ։ Մարտի 14-15-ը քաղաքի առանձին հատվածներում սպասվում են թույլ և կարճատև տեղումներ։

Մարտի 11-ի ցերեկը սպասվում է քամու ուժգնացում` 14-18 մ/վ արագությամբ։Մայրաքաղաքում մարտի 11–ի գիշերը եղել է 1-3 աստիճան տաքություն, իսկ ցերեկային ժամերին կգրանցվի +9….+11 աստիճան։