McDonald’s-ը, որը ավելի վաղ հայտարարել էր ռուսական շուկայից ժամանակավոր դուրս գալու մասին, հայտարարել է, որ իր ռեստորանները կդադարեցնեն աշխատանքը մարտի 14-ից։
McDonald’s-ն ընդգծել է, որ բոլոր 62000 աշխատակիցները կշարունակեն աշխատավարձ ստանալ՝ հիմնված իրենց միջին ամսական եկամուտների վրա, ինչպես նաև կպահպանեն ընկերության կողմից տրամադրվող սոցիալական նպաստները։
Բացի այդ, McDonald’s-ը խոստացել է աջակցել մատակարարներին և շարունակել կատարել պարտավորությունները տանտերերի նկատմամբ։ Ընկերությունը Ռուսաստանում գործունեության դադարեցման ժամանակահատվածում իր ընդհանուր ծախսերը գնահատել է ամսական $50 մլն։
Ընկերությունն ընդգծել է, որ “Ronald McDonald House” բարեգործական հիմնադրամը նույնպես կշարունակի իր գործունեությունը։
ՏԱՍՍ գործակալությունը, հղում անելով անանուն աղբյուրին, գրել է, որ McDonald’s-ը կարող է վերսկսել աշխատանքը մեկուկես ամսից։ Պաշտոնապես ընկերությունը չի նշել գործունեության կասեցման ժամկետները։
