Մեծ Բրիտանիան պատժամիջոցներ է սահմանել Ռուսաստանի Դաշնության Պետդումայի 386 պատգամավորների նկատմամբ, ովքեր կողմ են քվեարկել ԴԺՀ-ի և ԼԺՀ-ի անկախության ճանաչմանը։
Պատգամավորներին, ովքեր կհայտնվեն պատժամիջոցների տակ, կարգելվի մուտքը Մեծ Բրիտանիա, իսկ երկրում նրանց ակտիվները կսառեցվեն։
Նախօրեին Լոնդոնը անհատական պատժամիջոցներ է սահմանել ռուս երկու տասնյակ խոշոր գործարարների նկատմամբ։ Նրանց թվում էին «Չելսի»-ի սեփականատեր Ռոման Աբրամովիչը, «Ռոսնեֆտ»-ի ղեկավար Իգոր Սեչինը, միլիարդատեր Օլեգ Դերիպասկան, «Գազպրոմ»-ի խորհրդի նախագահ Ալեքսեյ Միլլերը։
Ուկրաինայում պատերազմի սկսվելուց ի վեր Մեծ Բրիտանիան պատժամիջոցներ է սահմանել մոտ 500 ռուսաստանցիների նկատմամբ։ Սահմանափակումների ցուցակում հայտնվել են նաև Ռուսաստանի Դաշնության ղեկավարությունը՝ նախագահ Վլադիմիր Պուտինը, արտաքին գործերի նախարար Սերգեյ Լավրովը, պաշտպանության նախարար Սերգեյ Շոյգուն և այլ բարձրաստիճան պաշտոնյաներ։
Սկզբնաղբյուրը՝ Meduza-ի։
