Շվեյցարական Nestle կորպորացիան հայտարարել է, որ դադարեցրել է ապրանքների ներմուծումը Ռուսաստան՝ բացառությամբ առաջին անհրաժեշտության ապրանքների։ Այս մասին Reuters-ին հայտնել է ընկերության ներկայացուցիչը։
Որպես ապրանքների օրինակներ, որոնց ներմուծումը դադարեցվել է, ընկերությունը նշել է Nespresso սուրճը և S.Pellegrino ջուրը: Nestle-ն նաև դադարեցրել է իր արտադրանքի արտահանումը Ռուսաստանից։
Արգելքը չի տարածվում այնպիսի ապրանքների վրա, ինչպիսիք են մանկական սնունդը, ձավարեղենը, մասնագիտացված սնունդը և կենդանիների համար նախատեսված բուժական սնունդը, նշում է «Ինտերֆաքս»-ը։
Ավելի վաղ Nestle-ն արդեն հրաժարվել էր Ռուսաստանում ներդրումներից և գովազդից։ Միաժամանակ ռուսական գործարանները շարունակում էին աշխատել։
