Ծխախոտ արտադրող խոշորագույն բրիտանական British American Tobacco ընկերությունը (արտադրում է Kent, Lucky Strike և Java ծխախոտները) հայտարարել է, որ կլքի Ռուսաստանը Ուկրաինայում ռազմական հակամարտության ֆոնին։ Այս մասին ասվում է ընկերության կայքում հրապարակված հաղորդագրության մեջ։
«Մենք եզրակացրել ենք, որ BAT-ի բիզնեսը Ռուսաստանում ունենալն այլևս կայուն չէ ներկայիս միջավայրում: Այսօր մենք սկսել ենք մեր ռուսական բիզնեսի արագ փոխանցման գործընթացը՝ միջազգային և տեղական օրենքներին լիովին համապատասխան։ Բացի մեր 2500 աշխատակիցների աշխատավարձերը վճարել շարունակելուց, մենք ամեն ինչ անելու ենք նրանց հետագա զբաղվածությունն ապահովելու համար։ Գործընթացի ավարտից հետո BAT-ն այլևս չի լինի Ռուսաստանում»։
British American Tobacco-ն արտադրում է Dunhill, Kent, Vogue, Rothmans, Pall Mall, Lucky Strike և Java ծխախոտները, Glo ծխախոտի տաքացուցիչներ և Neo փայտիկներ: Ընկերությանն է պատկանում Սանկտ Պետերբուրգում գտնվող BAT-SPb գործարանը, որն արտադրում է ծխախոտ և ձողիկներ ջեռուցման համար։
Այս շաբաթվա սկզբին BAT-ը հայտարարել էր, որ կդադարեցնի ծրագրված ներդրումները Ռուսաստանում և կկենտրոնանա տեղական արտադրության ծխախոտի արտադրանքի իր պորտֆելի վրա։
Սկզբնաղբյուրը՝ Meduza-ի։
