Սիլիկոնյան հովտի աշխատակցուհին և նրա երեխաների լուսանկարները ցնցեցին ամբողջ աշխարհը. մայթեզրին պառկած մահացած ուկրաինացի ընտանիքը սպանվել է ռուսական ականանետից՝ փորձելով փախչել հակամարտությունից:
43-ամյա Տատյանա Պերեբեյնիսը և նրա դուստրը՝ 9-ամյա Ալիսան և 18-ամյա որդին՝ Նիկիտան, սպանվել են ռուսական զորքերի կողմից՝ փորձելով փախչել Իրպին քաղաքից՝ Կիևից մոտ 15 րոպե հեռավորության վրա գտնվող արվարձաններից: Ուկրաինացի զինվորականները փորձել են առաջի օգնություն ցույց տալ իրենց հետ եղած ընկերոջը, սակայն նա ավելի ուշ մահացել է։
Ուկրաինացի զինվորների լուսանկարները, որոնք խնամում են կնոջ, նրա դեռահաս որդու և փոքր դստեր և նրանց ընկերոջ արյունոտ մարմինները, հայտնվել են այս շաբաթ New York Times-ի առաջին էջում, ինչպես նաև առցանց տեսանյութ՝ խաղաղ բնակչության վրա հարձակման մասին:
Դրանք առաջացրել են միջազգային զայրույթ և Ուկրաինայի նախագահ Վլադիմիր Զելենսկու խոստումը` պատժել մեղավորներին: «Երկրի վրա ձեզ համար հանգիստ տեղ չի լինի, բացի գերեզմանից», – ասել է Զելենսկին:
Սկզբնաղբյուրը՝ sfchronicle.com
Թարգմանեց՝ Աստղ Խաչատրյանը։
