Իտալական ֆինանսական գվարդիան կալանքի տակ է դրել «A» զբոսանավը, որը պատկանում է պատժամիջոցների տակ հայտնված ռուս գործարար Անդրեյ Մելնիչենկոյին։ Այս մասին հայտնում են La Repubblica-ն, Corriere della Sera-ն, ինչպես նաև РИА Новости-ն՝ հղում անելով իտալական իրավապահ գործակալության աղբյուրներին։
Խոսքը 143 մետր երկարությամբ և մոտ 530 միլիոն եվրո արժողությամբ եռակայմ «A» զբոսանավի մասին է։ Ձերբակալման պահին նավը գտնվում էր Տրիեստ նավահանգստում։
«A» զբոսանավը համարվում է աշխարհում ամենամեծ շարժիչով առագաստանավը, գրում է РИА Новости-ն։ Զբոսանավը նախագծվել է ֆրանսիացի արդյունաբերական դիզայներ Ֆիլիպ Սթարքի կողմից և գործարկվել 2008 թվականին։
