eBay-ը որոշել է դադարեցնել գործարքները ռուսական հասցեներով՝ վճարումների, մատակարարների և հիմնական առաքման ծառայությունների դադարեցման պատճառով։ Այս մասին ասված է նամակում, որն ընկերությունը հղել է Ռուսաստանից գրանցվածների հարթակում, փոխանցում է «Ինտերֆաքս»-ը։
«Մենք կշարունակենք գնահատել իրավիճակը և անհրաժեշտ փոփոխություններ կատարել մեր քաղաքականության և ծառայությունների մատուցման մեջ, ըստ զարգացող իրադարձությունների», – ասված է նամակում։
Ռուս վաճառողների հաշվի կարգավիճակն այժմ կսահմանվի «Արձակուրդում»: Նրանց ֆիքսված գնով գովազդները կթաքցվեն որոնման արդյունքներից, դասակարգված գովազդը կամ աճուրդի ձևաչափով գովազդը կավարտվի, և դրանց վերաբերյալ հայտերը կչեղարկվեն: Իրենց հերթին գնորդները չեն կարողանա ապրանքներ գնել Ռուսաստանի վաճառողներից։
Մեկ շաբաթ առաջ eBay-ը դադարեցրել էր պատվերների առաքումը Ռուսաստան և Ուկրաինա՝ պատերազմի ֆոնին լոգիստիկ խնդիրների պատճառով:
