ԱՄՆ պետքարտուղար Էնթոնի Բլինկենը, համաձայն նախագահ Ջո Բայդենի հուշագրի, կարգադրել է Ուկրաինային ռազմական օգնություն տրամադրել մինչև 200 միլիոն դոլարի չափով։
«Այս փաթեթը կներառի հետագա պաշտպանական օգնություն՝ օգնելու Ուկրաինային դիմակայել զրահատեխնիկայի, օդային և այլ սպառնալիքներին», – ասել է Բլինկենը Պետդեպարտամենտի կողմից շաբաթ օրը հրապարակված գրավոր հայտարարության մեջ: Ինչպես նշել է Բլինկենը, այս գումարով Վաշինգտոնի ներկայիս վարչակազմի կողմից Կիևին տրամադրված անվտանգության աջակցության ընդհանուր ծավալը կազմել է ավելի քան 1,2 միլիարդ դոլար։
«Ամերիկան և նրա դաշնակիցները աջակցում են ուկրաինական ջանքերին՝ պաշտպանելու իրենց երկիրը և համաքաղաքացիներին, ինչպես նաև կոչ են անում Ռուսաստանին ընդունել, որ ուժը երբեք չի տապալելու Ուկրաինայի ոգին: Մենք հավատարիմ ենք Ուկրաինայի ինքնիշխանությանը և տարածքային ամբողջականությանը և կշարունակենք Ուկրաինային տրամադրել անհրաժեշտ աջակցություն:
Մենք նաև կշարունակենք մարդասիրական օգնություն տրամադրել կարիքավորներին և աջակցել Ուկրաինայի ժողովրդին իրենց երկրի համար պայքարում տնտեսական և անվտանգության աջակցության միջոցով»,- ասել է Բլինկենը:
