Դերասան Բենեդիկտ Քամբերբեթչն ասել է, որ հույս ունի դառնալ Ուկրաինայից փախստականներ ընդունելու Մեծ Բրիտանիայի կառավարության ծրագրի անդամ։ Այդ մասին նա Sky News-ին հայտարարել է Բրիտանական կինոյի և հեռուստատեսային արվեստների ակադեմիայի (BAFTA) մրցանակաբաշխությունից առաջ կարմիր գորգի վրա։
«Իսկապես ցնցող ժամանակ է լինել եվրոպացի՝ Ուկրաինայից երկուսուկես ժամ հեռավորության վրա: Սա այն է, ինչ կախված է մեր գլխին»,- ասաց դերասանը։
Ինչպես հայտնում է Reuters-ը, Քամբերբեթչը արարողության է եկել Ուկրաինայի դրոշի գույներով կրծքանշանով։ «Մենք բոլորս պետք է անենք ավելին, քան պարզապես կրծքանշան կրելը», – ասաց դերասանը: Ամեն մեկն իր ուժերի սահմաններում ամեն ինչ պետք է անի։ Ռեկորդային թվով մարդիկ առաջարկել են [փախստականներին] տանել իրենց տները, և ես հույս ունեմ, որ կհամալրեմ նրանց շարքերը»։
«Homes for Ukraine» ծրագիրը թույլ կտա Մեծ Բրիտանիայի բնակիչներին, բարեգործական կազմակերպություններին, ընկերություններին և համայնքային խմբերին բնակարաններ առաջարկել փախստականներին, ովքեր ցանկանում են գալ երկիր, նույնիսկ եթե նրանք չունեն ընտանեկան կապեր:
Աղբյուրը՝ Meduza-ի։
