Ռուսաստանի դատախազությունը սպառնացել է արևմտյան ընկերություններին, որոնք որոշել են դադարեցնել բիզնեսը Ռուսաստանում ուկրաինական պատերազմի ֆոնին ակտիվների և աշխատակիցների ձերբակալություններով։ Այդ մասին The Wall Street Journal-ին հայտնել են աղբյուրները:
Խոսքը, մասնավորապես, ապրանքանիշերի և Ռուսաստանի իշխանություններին քննադատող առաջնորդների ձերբակալությունների մասին է, նշում է թերթը։
Նման սպառնալիքներ հեռախոսով, նամակներով և դատախազության աշխատակիցների այցի ժամանակ ստացել են սննդամթերքի, հագուստի և ծրագրային ապահովման արտասահմանյան արտադրողները, ինչպես նաև ռեստորանների ցանցերի սեփականատերերը։ Դրանց թվում են Coca-Cola-ն, McDonald’s-ը, Procter & Gamble-ը, IBM-ը և Yum Brands-ը (KFC-ի սեփականատերը):
Սպառնալիքների ֆոնին առնվազն մեկ օտարերկրյա ընկերություն որոշել է սահմանափակել հաղորդակցությունը ռուսական գրասենյակի և այլ ստորաբաժանումների միջև՝ վախենալով, որ նրանց միջև նամակագրությունը կարող է գաղտնալսվել, թերթին հայտնել են աղբյուրները։ Նրանց խոսքով՝ այլ ֆիրմաներ իրենց թոփ-մենեջերներին դուրս են բերել Ռուսաստանից։
ԱՄՆ-ում Ռուսաստանի դեսպանատունը Wall Street Journal-ի հոդվածն անվանել է «հորինված»։ Դատախազությունը, ինչպես նաև նյութում նշված արևմտյան ընկերությունները դեռևս չեն մեկնաբանել այն։
Աղբյուրը՝ Meduza-ի:
