Միացյալ Թագավորությունը մարտի 18-ին տեղական ժամանակով ժամը 4-ից սկսած կհանի երկիր մուտք գործելու մնացած բոլոր սահմանափակումները՝ կապված կորոնավիրուսի հետ։ Այս մասին Twitter-ում հայտնել է տրանսպորտի նախարար Գրանտ Շապսը:
Այսուհետ Մեծ Բրիտանիա ժամանողների համար պարտադիր Covid-ի թեստավորումը կվերացվի։ Բացի այդ, ճանապարհորդներին անհրաժեշտ չի լինի լրացնել Ուղևորների տեղորոշման ձևը:
Նման փոփոխությունները, ըստ նախարարի, հնարավոր են դարձել կորոնավիրուսի դեմ պատվաստանյութերի լայն կիրառման շնորհիվ:
Հունվարի վերջին Անգլիայում հանվեցին կորոնավիրուսային սահմանափակումների մեծ մասը, ներառյալ հանրային վայրերում դիմակների պարտադիր օգտագործումը։ Նաև երկրում հրաժարվել են Covid-անձնագրերից, որոնք անհրաժեշտ են գիշերային ակումբներ, համերգներ և հանրային միջոցառումներ այցելելու համար։
Աղբյուրը՝ Meduza-ի:
