Միացյալ նահանգները զգուշացնում է Չինաստանին չօգնել ՌԴ-ին

ԱՄՆ-ն նշել է, որ Չինաստանը կհանդիպի դաժան հետևանքների, եթե օգնի ՌԴ-ին Ուկրաինա ներխուժելու հարցում։

ԱՄՆ-ի Ազգային անվտանգության խորհրդական Ջեյք Սալլիվանը նշել է, որ ԱՄՆ-ն կարծում է՝ Չինաստանը տեղյակ է եղել, որ Վ․ Պուտինը ինչ-որ բան է պլանավորել, բայց լիովին չի հասկացել, թե ինչ։  Ինչին ի պատասխան Չինաստանը նշել է, որ միշտ եղել է հաստատակամ, և ԱՄՆ-ն սխալ ինֆորմացիա է տարածում։

Չինաստանը մինչ այժմ զերծ է մնացել Ռուսաստանը դատապարտելուց, բայց միևնույն ժամանակ Բեյջինը ցույց է տվել իր աջակցությունն Ուկրաինայի ինքնիշխանությանը։ Այն նաև խաղաղության կոչ է արել և պատրասատակամություն հայտնել օգնելու վերջ տալ պատերազմին դիվանագիտական միջոցով։ Որոշ երկրներ հորդորել են Չինաստանին ավելի մեծ քայլեր ձեռնարկել Ռուսական ներխուժումը կանխելու նպատակով։

Նյութի աղբյուր՝ BBC News: