Եվրամիությունը ներկայացնում է հակառուսական պատժամիջոցների չորրորդ փաթեթը՝ ի պատասխան «Ուկրաինայի և նրա ժողովրդի դեմ Ռուսաստանի Դաշնության անողոք ագրեսիային»։ Այս մասին հայտնում է Եվրահանձնաժողովի կայքը։
Նոր սահմանափակումներն են
Ռուսաստանի որոշ պետական ձեռնարկությունների հետ տնտեսության տարբեր ոլորտներից, ներառյալ ռազմարդյունաբերական համալիրում ընդգրկված, գործարքների արգելքը
մի շարք պողպատե ապրանքների ներմուծման արգելք, որը Ռուսաստանին կզրկի արտահանումից մոտ 3,3 միլիարդ եվրոյի եկամուտից
Ռուսաստանի էներգետիկայի ոլորտում նոր ներդրումների արգելք, բացառությամբ քաղաքացիական միջուկային էներգիայի
անհատների և ընկերությունների դեմ պատժամիջոցների ընդլայնում, ապատեղեկատվական արշավին ակտիվորեն մասնակցողների ցուցակի ստեղծում
Ռուսաստան շքեղ ապրանքների, ներառյալ ավտոմեքենաների և ոսկերչական իրերի արտահանման արգելքը
Եվրոպական վարկանիշային գործակալությունների կողմից Ռուսաստանին և ռուսական ընկերություններին ծառայություններ մատուցելու արգելք՝ ԵՄ ֆինանսական շուկաներ մուտքը բարդացնելու նպատակով։
Պատժամիջոցներն ուժի մեջ կմտնեն ԵՄ պաշտոնական ամսագրում հրապարակվելուց հետո։
Եվրամիությունը, Միացյալ Նահանգները և այլ երկրներ Ռուսաստանի դեմ պատժամիջոցների մի քանի փուլ են կիրառել Ուկրաինա ներխուժելուց հետո։ Սահմանափակումները ազդել են բանկային հատվածի, ավիացիայի, էներգակիրների ներմուծման, ինչպես նաև ռուս քաղաքական գործիչների, պաշտոնյաների, գործարարների և քարոզիչների վրա։
Աղբյուրը՝ Meduza-ի։
