Երեւանի Մալաթիա-Սեբաստիա վարչական շրջանում գտնվող Հայրենական պատերազմի հաղթանակի 40-ամյակին նվիրված զբոսայգին կբարեկարգվի: Այս մասին այսօր Երևանի ավագանու նիստին ասաց քաղաքապետի առաջին տեղակալ Լեւոն Հովհաննիսյանը։
Նկատենք՝ Հայրենական պատերազմի հաղթանակին նվիրված զբոսայգին բացվել է 1985 թվականին, գտնվում է Սեբաստիա փողոցում։ Այն եղել է համայնքի բնակիչների սիրելի վայրերից մեկը. այգու շատրվանները վաղ առավոտից միացվում էին, լողավազանում երեխաները լողում էին, իսկ ծնողները՝ այգու կանաչապատ գոտում հանգստանում:
2000-ականների սկզբից շատրվաններն անջատվել են, լողավազաններն էլ են չեն գործարկվել։ Իսկ այգին տարիների ընթացքում սկսել է քանդվել։ Այն այժմ հիմնանորոգման կարիք ունի. հուշարձանի, բետոնե նստարանների, աստիճաների սալիկները պոկվել են, իսկ շատրվանների երկաթյա շինությունները՝ վնասվել:
Նրա խոսքով՝ նախատեսվում է վերագործարկել նաեւ այգու շատրվանները։
«Այս տարվա բյուջեով նախատեսվում է վերանորոգել նաև Աբովյանի անվան պուրակը։ 140 միլիոն դրամ ունենք վարչական շրջաններում մինի ֆուտբոլային դաշտեր կառուցելու մասով»,- ասաց նա։
