Շվեյցարիայի իշխանությունները, հետևելով Եվրամիությանը, պատժամիջոցներ են կիրառել 197 ռուսաստանցիների և ռուսական ինը ընկերությունների նկատմամբ։ Այժմ Շվեյցարիայի պատժամիջոցների ցուցակը լիովին համապատասխանում է ԵՄ ցուցակին, ասվում է երկրի կառավարության կայքում։
Սահմանափակումների տակ, մասնավորապես, ընկել են ռուս «օլիգարխներն ու խոշոր գործարարները», պարզաբանում են կառավարությունից։ Նրանց թվում են գործարարներ Ռոման Աբրամովիչը, Անդրեյ Մելնիչենկոն, Դմիտրի Պումպյանսկին և նրա որդին՝ Ալեքսանդրը, Դմիտրի Մազեպինը և նրա որդին՝ Նիկիտան, Միխայիլ Պոլուբոյարինովը, ինչպես նաև Առաջին ալիքի գլխավոր տնօրեն Կոնստանտին Էռնստը։
Շվեյցարիայում նրանց ակտիվները կսառեցվեն, նրանց մուտքը երկիր կարգելվի։
