Ուկրաինայի նախագահ Վ․ Զելենսկին սկսել է իր տեսաուղերձը՝ ընդգծելով իր երկրի ժողովրդի քաջությունն ու ասել, որ այժմ՝ ռուսական ներխուժման պայմաններում, որոշվում է Ուկրաինայի «ճակատագիրը»։
Նա նշել է, որ մայրաքաղաքը հրթիռակոծվում է ռուսական զորքերի կողմից ամեն օր՝ ընդգծելով, որ իր երկրում հիմա ընթանում է ամենադաժան պատերազմը Երկրորդ համաշխարհայինից հետո։
«Պատիվ ունեմ Ձեզ ողջունելու Ուկրաինայի բնակչության, քաջ և խաղաղություն սիրող բնակչության անունից, որն 8 տարի շարունակ դիմադրել է ռուսական ագրեսիային։ Նրանց, ովքեր իրենց զավակներին զոհ են տվել երկրի փրկության համար»։
«Հիմա մեր երկրի ապագան է որոշվում։ Ապագա, որտեղ ուկրաինացին կկարողանա ապրել ազատ։ Ռուսաստանը ոչ միայն հարձակվել է մեր և մեր երկրի վրա, այն նաև ոտնահարում է մեր արժեքները, հասարակ մարդկային արժեքները»,- ասել է նախագահը։
Աղբյուրը՝ CNN News
