ԱՄՆ նախագահ Ջո Բայդենը ՌԴ նախագահ Վլադիմիր Պուտինին անվանել է ռազմական հանցագործ։ Այս մասին հայտնում է Reuters-ը։
Լրագրողների այն հարցին, թե պատրաստ է Պուտինին անվանել ռազմական հանցագործ, Բայդենը սկզբում ասաց «ոչ», բայց հետո խնդրեց կրկնել հարցը և ասաց. «Այո, ես համարում եմ, որ նա ռազմական հանցագործ է»։
Reuters-ը նշում է, որ Բայդենն առաջին անգամ է նման հռետորաբանություն կիրառել Պուտինի դեմ։
Ռուսաստանի Դաշնության նախագահի մամուլի քարտուղար Դմիտրի Պեսկովը «անընդունելի և աններելի է անվանել պետության ղեկավարի նման հռետորաբանությունը, որի ռումբերը հարյուր հազարավոր մարդկանց կյանք են խլել ամբողջ աշխարհում»։
