Զեմֆիրան նոր տեսահոլովակ է հրապարակել «Не стреляйте» երգի համար։ Երգչուհին այս ստեղծագործությունը գրել է դեռ 2005 թվականին, հինգ տարի անց նա թողարկվել է Z-Sides հավաքածուում։
Տեսահոլովակում երգը ներկայացված է The Uchpochmack-ի տարբերակով, որը արտիստը հիմնել է իր եղբորորդիների հետ։ Սև-սպիտակ տեսանյութը, որում Զեմֆիրան երգում և սինթեզատոր է նվագում, ուղեկցվում է Ուկրաինայում ռազմական գործողությունների և դրանց հետևանքների կադրերով։
Միևնույն ժամանակ, երգչուհին ջնջել է իր բոլոր նախկին տեսահոլովակները YouTube-ից՝ «Не стреляйте»-ի հետ մեկտեղ թողնելով միայն Океан Ельзи-ի «Відпусти» երգի քավր տարբերակը, որը նկարահանվել է 2008 թվականին։
Փետրվարի 24-ին, Ուկրաինայում պատերազմի սկսվելու օրը, Զեմֆիրան ելույթ ունեցավ երկար դադարից հետո իր առաջին մենահամերգով Մոսկվայում՝ Borderline ալբոմի շնորհանդեսով։ Հետո երգեց նաև «Не стреляйте» երգը, այն նախաբանեց «Այսօր բոլորը դժվար օր ունեցան» բառերով։
Նույն օրը նրա սոցցանցերում հայտնվեց գրառում, որում արտիստուհին, մասնավորապես, գրել էր. «Տխուր եմ, դժվար է, լացում եմ։ Ես պատերազմ չեմ ուզում». Ավելի ուշ գրառումը ջնջվել է, սակայն Զեմֆիրայի սոցիալական ցանցերում մնացել է «Ոչ պատերազմին» կարգախոսը։
Աղբյուրը՝ Meduza-ի։
