Ուկրաինայի իշխանությունները մտադիր են ուրբաթ ինն անվտանգ միջանցքով Դոնեցկի, Սումիի և Խարկովի շրջանների բնակավայրերից իրականացնել խաղաղ բնակչության տարհանում և մարդասիրական օգնության առաքում։ Այդ մասին հայտարարել է փոխվարչապետ, Ուկրաինայի չվերահսկվող տարածքների վերաինտեգրման հարցերով նախարար Իրինա Վերեշչուկը՝ գրում է ТАСС-ը։
Նրա խոսքով՝ ուկրաինական կողմը մարդասիրական ավտոշարասյուն է ուղարկել Մարիուպոլի մի խումբ խաղաղ բնակիչների Զապորոժիե տեղափոխելու համար։ Ուկրաինայի իշխանությունները նախատեսել են այսօր մարդասիրական միջանցքներով տարհանում իրականացնել նաև Սումի քաղաքից։
Նախատեսվում է շաբաթ անվտանգ միջանցքներով մարդասիրական օգնության առաքում Խարկովի, Խերսոնի և Լուգանսկի շրջանների բնակավայրեր, ասել է Վերեշչուկը։
