Նորվեգիայի կառավարությունը միացել է պատժամիջոցների շարքին, որոնք Եվրամիությունը սահմանել է Ռուսաստանի դեմ ուկրաինական պատերազմի պատճառով։ Այս մասին հայտնում է երկրի արտաքին գործերի նախարարությունը։
Նորվեգական պատժամիջոցները կազդեն Ռուսաստանի տնտեսության ֆինանսական, էներգետիկայի, տրանսպորտային, տեխնոլոգիական և պաշտպանական ոլորտների, ինչպես նաև հարյուրավոր ռուսների և կազմակերպությունների վրա։
Զեկույցի համաձայն՝ սահմանափակումները համապատասխանում են ԵՄ-ի կողմից սահմանված միջոցառումներին մինչև մարտի 9-ը ներառյալ՝ բացառությամբ Russia Today-ի և Sputnik-ի սահմանափակումների։
Մեկնաբանելով հայտարարված միջոցառումները՝ Նորվեգիայի արտաքին գործերի նախարար Աննիկեն Հյուիտֆելդն ասել է, որ սա «պատժամիջոցների ամենամեծ փաթեթն է, որը երբևէ ներդրել է Նորվեգիան»։
