86-ամյա ֆրանսիացի դերասան Ալեն Դելոնը որոշել է դիմել էվթանազիայի և խնդրել է որդուն՝ Էնթոնիին, որ իր կողքին լինի կյանքի վերջին րոպեներին։ Այս մասին Էնթոնի Դելոնը հայտարարել է RTL ռադիոյի եթերում։
2019 թվականին լեգենդար դերասանը երկու ինսուլտ է տարել, որից հետո ստիպված է եղել քայլել ձեռնափայտով։ Վերջին տարիներին Դելոնը սկսել է իրեն շատ ավելի վատ զգալ, ուստի որոշել է դիմել էվթանազիայի: Այժմ դերասանը ապրում է Շվեյցարիայում, որի օրենքը թույլ է տալիս դիմել մահանալու այս մեթոդին։
Ալեն Դելոնն արդեն կազմել է իր կտակը, որպեսզի ազատի որդուն քաշքշուկներից։ Էնթոնին համաձայնվել է էվթանազիայից առաջ լինել հոր հետ։ 2021 թվականին ենթաստամոքսային գեղձի քաղցկեղից մահացել է նրա մայրը՝ Նատալին, նա եղել է նրա կողքին, հայտնում է Le Point-ը։
Ֆրանսիացի դերասանը վաղուց է մտածել էվթանազիայի մասին։ «Որոշ տարիքից, ինչ-որ պահից մենք իրավունք ունենք դժոխք գնալ հանգիստ՝ առանց հիվանդանոցների, սրսկումների և այլնի միջով անցնելու»,- ասել է նա իր հարցազրույցներից մեկում։
